दिनांक १४ जुलै ही लोकनेते स्वर्गीय अण्णासाहेब वर्तक यांची पुण्यतिथी. याचे औचित्य साधून ‘विकास सेवाव्रती वृंद’ च्या अधिपत्याखाली दिनांक जुलै १८, २०२२ रोजी सफाळे येथील उचवली, नागरमोड येथील जिल्हापरिषद शाळेत रेनकोट आणि छत्र्यांचे वाटप करण्यात आले. विविध रेनकोट, छत्र्या , कपडे व आवश्यक वस्तू विद्यार्थ्यांना देण्यात आल्या. निसर्गातून आलेले निसर्गाला देण्यासाठी Seed Bank तर्फे जमवण्यात आलेल्या बिया तेथील माळरानावर लावण्यात आल्या. तेथील जिल्हा परिषद शाळेचे विद्यार्थी तसेच N. G. Vartak English Medium High School and Junior College शाळेचे १०वीचे विद्यार्थी गंधार वर्तक, मंदार देशमुख, यश कुलकर्णी तसेच शिक्षिका श्वेता पाटील, Shreemati Taramai Memorial Academy (CBSE) School शाळेतर्फे शिक्षिका मनाली राऊत आणि Padmashree Bhausaheb Vartak College तर्फे शिक्षिका फरिन शेख यांचा सहभाग होता.